Jeremias 28:14-16

Ang Biblia (1978)

¹⁴ Sapagka't ganito ang sabi ng Panginoon ng mga hukbo, ng Dios ng Israel, ^(A)Ako'y naglagay ng pamatok na bakal sa batok ng lahat na bansang ito, upang sila'y makapaglingkod ^(B)kay Nabucodonosor na hari sa Babilonia; at sila'y mangaglilingkod sa kaniya: at ibinigay ko ^(C)rin sa kaniya ang mga hayop sa parang.

¹⁵ Nang magkagayo'y sinabi ng propeta Jeremias kay Hananias na propeta, Dinggin mo ngayon, Hananias; hindi ka sinugo ng Panginoon; kundi ^(D)iyong pinaasa ang bayang ito sa kasinungalingan.

¹⁶ Kaya't ganito ang sabi ng Panginoon, Narito, ikaw ay aking palalayasin mula sa ibabaw ng lupa: mamamatay ka sa taong ito sapagka't ikaw ay nagsalita ng panghihimagsik laban sa Panginoon.