Jeremias 28:6-8

Ang Salita ng Dios (Tagalog Contemporary Bible)

⁶ Sinabi niya, “Amen! Gawin sana iyon ng Panginoon! Sanaʼy gawin ng Panginoon ang sinabi mong dadalhin niya pabalik dito ang mga kagamitan ng templo at ang lahat ng bihag sa Babilonia. ⁷ Pero pakinggan mo itong sasabihin ko sa iyo at sa lahat ng nakikinig dito. ⁸ Ang mga propetang nauna sa atin ay nagsabi noon na darating ang digmaan, gutom, at sakit sa maraming bansa at mga tanyag na kaharian.