Jeremias 3:3-5

Ang Salita ng Dios (Tagalog Contemporary Bible)

³ Iyan ang dahilan kung bakit hindi umuulan sa panahon ng tag-ulan. Pero sa kabila nito, matigas pa rin ang ulo ninyo gaya ng babaeng bayaran na hindi na nahihiya. ⁴ At ngayon sinasabi ninyo sa akin, ‘Ama ko, kayo po ay kasama^[a] ko mula noong bata pa ako. ⁵ Palagi na lang ba kayong galit sa akin? Hanggang kailan pa po ba kayo magagalit sa akin?’ Ito ang sinasabi ninyo, pero ginagawa naman ninyo ang lahat ng masama na magagawa ninyo.”