Jeremias 30:10-12

Ang Biblia (1978)

¹⁰ Kaya't huwag kang masindak, Oh ^(A)Jacob na aking lingkod, sabi ng Panginoon; huwag ka mang manglupaypay, Oh Israel: sapagka't narito, ililigtas kita mula sa malayo, at ang iyong binhi mula sa lupain ng kanilang pagkabihag; at ang Jacob ay babalik, at magiging tahimik at tiwasay, at walang tatakot sa kaniya.

¹¹ Sapagka't ako'y sumasaiyo sabi ng Panginoon upang iligtas kita: sapagka't ^(B)gagawa ako ng lubos na kawakasan sa lahat na bansa na aking pinapangalatan sa iyo, nguni't hindi ako gagawa ng lubos na kawakasan ^(C)sa iyo; kundi sasawayin kita ^(D)ng kahatulan, at walang pagsalang hindi kita iiwan na walang parusa.

¹² Sapagka't ganito ang sabi ng Panginoon, Ang iyong sakit ay ^(E)walang kagamutan, at ang iyong sugat ay mabigat.