Jeremias 30:15-17

Magandang Balita Biblia

¹⁵ Huwag ka nang umiyak dahil sa iyong sakit;
    wala nang lunas ang sugat mo.
Ginawa ko ito sa iyo
    sapagkat matindi ang iyong kasamaan
    at napakarami mong kasalanan.
¹⁶ Gayunman, lahat ng umapi sa iyo ay aapihin;
    lahat ng iyong kaaway ay bibihagin din.
Nanakawan ang nagnakaw ng kayamanan mo.
    Ang bumiktima sa iyo ay bibiktimahin din.
¹⁷ Ibabalik ko ang kalusugan mo,
    at pagagalingin ang iyong mga sugat.
Kayo'y tinawag nilang mga itinakwil,
    ang Zion na walang nagmamalasakit.”