Jeremias 31:10-12

Ang Biblia, 2001

¹⁰ “Inyong pakinggan ang salita ng Panginoon, O mga bansa,
    at inyong ipahayag sa mga pulo sa malayo;
inyong sabihin, ‘Ang nagpakalat sa Israel ay siyang magtitipon sa kanya,
    at iingatan siya gaya ng pag-iingat ng pastol sa kanyang kawan.’
¹¹ Sapagkat tinubos ng Panginoon ang Jacob,
    at kanyang tinubos siya sa kamay ng higit na malakas kaysa kanya.
¹² Sila'y darating at aawit nang malakas sa kaitaasan ng Zion,
    at sila'y magniningning dahil sa kabutihan ng Panginoon,
dahil sa butil, at sa alak, langis,
    at dahil sa guya ng kawan at ng bakahan;
at ang kanilang buhay ay magiging gaya ng dinilig na halamanan;
    at sila'y hindi na manlulupaypay pa.