Jeremias 4:13-15

Ang Biblia, 2001

¹³ Pagmasdan ninyo, siya'y tumataas na parang mga ulap,
    at ang kanyang mga karwahe ay tulad ng ipu-ipo;
mas matulin kaysa mga agila ang kanyang mga kabayo—
    kahabag-habag tayo, sapagkat nawawasak tayo!
¹⁴ O Jerusalem, puso mo'y hugasan mula sa kasamaan,
    upang ikaw ay maligtas naman.
Hanggang kailan titigil sa iyong kalooban
    ang iyong pag-iisip na kasamaan?
¹⁵ Sapagkat isang tinig ang nagpapahayag mula sa Dan,
    at mula sa Bundok ng Efraim ay nagbabalita ng kasamaan.