Jeremias 41:15-17

Ang Salita ng Dios (Tagalog Contemporary Bible)

¹⁵ Pero tumakas sa Ammon ang anak ni Netania na si Ishmael at ang walo niyang kasama.

¹⁶ Tinipon ni Johanan at ng mga pinunong kasama niya ang lahat ng bihag ni Ishmael mula sa Mizpa, kabilang dito ang mga kawal, babae, bata at ang mga pinuno sa palasyo na mula sa Gibeon. At mula sa Gibeon, ¹⁷ pumunta sila sa Gerut Kimham malapit sa Betlehem at tumuloy sa Egipto.