Jeremias 41:3-5

Magandang Balita Biblia

³ Pinatay rin ni Ismael ang mga Judiong kasama ni Gedalias sa Mizpa, pati ang mga kawal na taga-Babilonia na nagkataong naroon.

⁴ Kinabukasan, matapos patayin si Gedalias, at bago pa nalaman ng sinuman, ⁵ may walumpung kalalakihang dumating buhat sa Shekem, Shilo, at Samaria. Ahit ang kanilang balbas, punit ang damit, at pawang sugatan; may dala silang trigo at insenso upang ihandog sa Templo ni Yahweh.