Jeremias 46:14-16

Magandang Balita Biblia

¹⁴ “Ipahayag ninyo sa Egipto,
    sa Migdol, sa Memfis, at sa Tafnes:
‘Tumayo kayo at humanda,
    sapagkat ang tabak ang lilipol sa inyong lahat.’
¹⁵ Bakit tumakas ang itinuturing na malakas na diyus-diyosang si Apis?
    Bakit hindi siya makatayo?
    Sapagkat siya'y ibinagsak ni Yahweh.
¹⁶ Nalugmok ang maraming kawal;
    ang wika nila sa isa't isa,
‘Umurong na tayo sa ating bayan
    upang tayo'y makaiwas sa tabak ng kaaway.’