Jeremias 47:2-4

Magandang Balita Biblia

² “Tumataas ang tubig sa hilaga,
    at babaha, ito'y aapaw sa buong lupain;
magpapasaklolo ang mga tao,
    maghihiyawan sa matinding takot.
³ Maririnig ang ingay ng yabag ng mga kabayo,
    ang paghagibis ng mga karwahe!
Hindi na maaalala ng mga magulang ang kanilang mga anak;
    manghihina ang kanilang mga kamay,
⁴ sapagkat dumating na ang araw ng pagkawasak ng mga Filisteo.
Ang pinakahuling magtatanggol sa Tiro at Sidon ay babagsak;
    sapagkat lilipulin ni Yahweh ang mga Filisteo,
    ang nalabi sa baybayin ng Caftor.