Jeremias 49:22-24

Ang Biblia (1978)

²² Narito, ^(A)siya'y sasampa at parang aguila na lilipad, at magbubuka ng kaniyang mga pakpak laban sa ^(B)Bosra: at ang puso ng mga makapangyarihang lalake ng Edom sa araw na yaon ay magiging parang puso ng babae sa kaniyang pagdaramdam.

Ang salita ng Panginoon tungkol sa Damasco.

²³ Tungkol sa Damasco. Ang Hamath ay ^(C)napahiya, at ang Arphad; sapagka't sila'y nangakarinig ng mga masamang balita, sila'y nanganglulupaypay: may kapanglawan sa dagat; hindi maaaring tumahimik.

²⁴ Ang Damasco ay humihina, siya'y tumatalikod upang tumakas, at panginginig ay humahawak sa kaniya: kalungkutan at mga kapanglawan ay sumapit sa kaniya na gaya sa babae sa pagdaramdam.