Jeremias 51:18-20

Ang Biblia, 2001

¹⁸ Ang mga iyon ay walang kabuluhan, isang gawa ng pandaraya;
    sa panahon ng kanilang kaparusahan ay malilipol sila.
¹⁹ Hindi gaya ng mga ito ang bahagi ng Jacob,
    sapagkat siya ang humubog sa lahat ng bagay,
at ang lipi ng kanyang pamana;
    ang kanyang pangalan ay Panginoon ng mga hukbo.

²⁰ “Ikaw ang aking pandigmang palakol at sandatang pandigma;
sa pamamagitan mo ay dinudurog ko ang mga bansa,
    at sa pamamagitan mo ay winawasak ko ang mga kaharian.