Joel 2:15-17

Magandang Balita Biblia

¹⁵ Hipan ninyo ang trumpeta sa ibabaw ng Bundok ng Zion!
    Tipunin ninyo ang mga tao at ipag-utos ninyo na mag-ayuno ang lahat!
¹⁶ Tawagin ninyo ang mga tao
    para sa isang banal na pagtitipon.
    Tipunin ninyo ang lahat, matatanda at bata,
    pati mga sanggol at maging ang mga bagong kasal.
¹⁷ Mga^(A) pari, tumayo kayo
    sa pagitan ng altar at ng pasukan ng Templo,
manangis kayo't manalangin nang ganito:
    “Mahabag ka sa iyong bayan, O Yahweh!
    Huwag mong hayaang kami'y hamakin at pagtawanan ng ibang mga bansa
    at tanungin, ‘Nasaan ang inyong Diyos?’”