Juan 9:13-16

Magandang Balita Biblia

Nagsiyasat ang mga Pariseo tungkol sa Pagpapagaling

¹³ Dinala ng mga tao sa mga Pariseo ang dating bulag. ¹⁴ Araw ng Pamamahinga nang gumawa si Jesus ng putik at nang pinagaling niya ang bulag. ¹⁵ Tinanong din siya ng mga Pariseo kung paano siya nakakita. Kaya't sinabi niya sa kanila, “Pinahiran niya ng putik ang aking mga mata, ako'y naghilamos at ngayo'y nakakakita na ako.”

¹⁶ Ang sabi ng ilang Pariseo, “Hindi maaaring mula sa Diyos ang taong iyon, sapagkat hindi niya ipinapangilin ang Araw ng Pamamahinga.” Ngunit sinabi naman ng iba, “Paanong makakagawa ng ganitong mga himala ang isang makasalanan?” At hindi sila magkaisa.