Juan 11:27-29

Ang Salita ng Dios (Tagalog Contemporary Bible)

²⁷ Sumagot si Marta, “Opo, Panginoon, sumasampalataya ako na kayo ang Cristo, ang Anak ng Dios, na hinihintay naming darating dito sa mundo.”

Umiyak si Jesus

²⁸ Pagkasabi niya nito, bumalik si Marta sa bahay nila. Tinawag niya ang kapatid niyang si Maria at binulungan, “Narito na ang Guro, at ipinatatawag ka niya.” ²⁹ Nang marinig ito ni Maria, dali-dali siyang tumayo at pinuntahan si Jesus.