Kawikaan 18:17-19

Ang Salita ng Dios (Tagalog Contemporary Bible)

¹⁷ Ang unang naglahad ng salaysay sa korte ay parang iyon na ang totoo, hanggang hindi pa nasusuri at natatanong ng kabilang panig.
¹⁸ Napapatigil ng palabunutan ang mga alitan, at pinagkakasundo ang mahigpit na magkalaban.
¹⁹ Mas madali pang sakupin ang isang napapaderang bayan kaysa sa makipagbati sa kapatid^[a] na nasaktan.
    Kung paanong mahirap wasakin ang mga kandado ng tarangkahan ng palasyo, mahirap din pigilin ang alitan ng dalawang tao.