Kawikaan 30:17-19

Ang Dating Biblia (1905)

¹⁷ Ang mata na tumutuya sa kaniyang ama, at humahamak ng pagsunod sa kaniyang ina, tutukain ito ng mga uwak sa libis, at kakanin ito ng mga inakay na aguila.

¹⁸ May tatlong bagay na totoong kagilagilalas sa akin, Oo, apat na hindi ko nalalaman:

¹⁹ Ang lipad ng aguila sa hangin; ang usad ng ahas sa ibabaw ng mga bato; ang lutang ng sasakyan sa gitna ng dagat; at ang lakad ng lalake na kasama ng isang dalaga.