Leviticus 1:14-17

Ang Pulong Sa Dios

¹⁴ Kon langgam ang ihalad sa tawo isip halad nga sinunog, kinahanglan nga salampati kini o tukmo. ¹⁵ Dad-on kini sa pari didto sa halaran. Lubagon niya ang liog hangtod nga maputol ug ipatulo niya ang dugo ngadto sa kilid sa halaran, ug unya sunogon niya ang ulo. ¹⁶ Pagkahuman, kuhaon niya ang balonbalonan ug ang mga balhibo^[a] niini, ug unya ilabay niya sa sidlakang bahin sa halaran diin gibutang ang abo. ¹⁷ Pikason niya ang langgam pinaagi sa pagbira sa mga pako niini apan dili niya kini tungaon. Unya sunogon niya ang langgam diha sa halaran ingon nga halad nga sinunog. Ang kahumot niini nga halad pinaagi sa kalayo makapalipay sa Ginoo.