Levitico 3:2-4

Magandang Balita Biblia

² Ipapatong niya sa ulo nito ang kanyang kamay at ito'y papatayin sa may pintuan ng Toldang Tipanan. At ibubuhos ng pari ang dugo sa paligid ng altar. ³ Sa handog na ito kukuha ang pari ng parteng susunugin para kay Yahweh. Kukunin niya ang tabang nakabalot sa laman-loob at lahat ng taba nito; ⁴ gayundin ang dalawang bato, ang taba sa balakang at ang tabang bumabalot sa atay.