Leviticus 1:5-7

Ang Salita ng Dios (Tagalog Contemporary Bible)

⁵ Pagkatapos, kakatayin niya ang bakang iyon sa presensya ng Panginoon. At ang dugo nitoʼy iwiwisik sa paligid ng altar, sa bandang pintuan ng Toldang Tipanan ng mga pari na mula sa angkan ni Aaron. ⁶ Pagkatapos mabalatan at hiwa-hiwain ng naghahandog ang baka, ⁷ ang mga paring mula sa angkan ni Aaron ay magpapaningas ng apoy sa altar at lalagyan ng panggatong na inayos ng mabuti.