Leviticus 13:56-58

Ang Salita ng Dios (Tagalog Contemporary Bible)

⁵⁶ Pero kung sa pagsusuri ng pari ay nakita niyang kumukupas ang amag, punitin na lang niya ang bahaging iyon ng damit o balat na may amag. ⁵⁷ Ngunit kung may lumitaw pa ring amag at kumalat, dapat nang sunugin ang damit o balat. ⁵⁸ Kung nawala ang amag pagkatapos labhan ang damit o balat, muli itong labhan at itoʼy ituturing na malinis na.