Leviticus 3:8-10

Ang Salita ng Dios (Tagalog Contemporary Bible)

⁸ ipapatong niya ang kanyang kamay sa ulo ng tupa at papatayin niya sa harap ng Toldang Tipanan. At iwiwisik ng mga paring mula sa angkan ni Aaron ang dugo nito sa paligid ng altar. ⁹ At mula sa handog na itoʼy kukuha ng bahagi na susunugin para sa Panginoon; ang mga taba, ang buntot na mataba na sagad sa gulugod ang pagkakaputol, ang lahat ng taba sa lamang-loob, ¹⁰ ang mga bato at ang taba nito, pati na ang maliit na bahagi ng atay.