Leviticus 6:11-13

Ang Salita ng Dios (Tagalog Contemporary Bible)

¹¹ Pagkatapos, magpapalit siya ng damit at dadalhin niya ang abo sa labas ng kampo sa itinuturing na malinis na lugar. ¹² Kinakailangang ang apoy sa altar ay patuloy na nagniningas. Huwag itong papatayin. Tuwing umagaʼy gagatungan ito ng pari, at aayusin nang mabuti ang mga handog na sinusunog sa itaas ng mga panggatong pati na ang mga taba ng hayop mula sa inialay na handog para sa mabuting relasyon. ¹³ Patuloy na paniningasin ang apoy sa altar, at huwag itong pabayaang mamatay.