Leviticus 8:30-32

Ang Salita ng Dios (Tagalog Contemporary Bible)

³⁰ Pagkatapos, kumuha si Moises ng banal na langis^[a] at ng dugo roon sa altar at winisikan niya si Aaron at ang mga anak niya pati na ang kanilang mga damit. Sa ganitong paraan niya sila inihandog pati ang kanilang mga damit sa Panginoon. ³¹ At sinabi ni Moises kay Aaron at sa mga anak niyang lalaki, “Lutuin ninyo ang karne malapit sa pintuan ng Toldang Tipanan, at ayon sa iniutos ko sa inyo kainin ninyo ito kasama ang mga tinapay na nasa basket na handog para sa pagtatalaga. ³² Ang matitirang karne at tinapay ay susunugin ninyo.