Lik 16:22-24

Nouvo Testaman: Vèsyon Kreyòl Fasil

²² Se konsa Laza vin mouri. Zanj Bondye yo pote l al met chita nan plas donè bò kote Abraram,^[a] pou l manje ak li. Nonm rich la mouri tou, epi yo antere li. ²³ Pandan nonm rich la te kote mò^[b] yo ye a, nan mitan soufrans li, li voye je li, li wè Abraram byen lwen ansanm ak Laza chita nan plas donè bò kote l, nan yon fèt. ²⁴ Lè sa a, li rele byen fò, li di: Papa Abraram, gen pitye pou mwen. Tanpri, voye Laza vin tranpe pwent dwèt li nan yon ti dlo pou l mete sou lang mwen, paske se pa ti soufri m ap soufri nan flanm dife sa a!