Lucas 11:1-2

Ang Salita ng Diyos

Nagturo si Jesus Patungkol sa Panalangin

11 Nangyari na si Jesus ay nananalangin sa isang dako, nang siya ay makatapos, isa sa kaniyang mga alagad ang nagsabi: Panginoon, turuan mo kaming manalangin tulad ng pagturo ni Juan sa kaniyang mga alagad.

² Sinabi ni Jesus sa kanila: Kung mananalangin kayo, sabihin ninyo:

Aming Ama na nasa langit, pakabanalin ang iyong pangalan. Dumating nawa ang iyong paghahari. Mangyari ang iyong kalooban, kung papaano sa langit, maging gayundin sa lupa.