Lucas 16:14-16

Ang Salita ng Dios (Tagalog Contemporary Bible)

Ang Iba pang mga Itinuro ni Jesus^(A)

¹⁴ Nang marinig iyon ng mga Pariseo, kinutya nila si Jesus dahil mahal nila ang salapi. ¹⁵ Kaya sinabi ni Jesus sa kanila, “Nagbabanal-banalan kayo sa harap ng mga tao pero alam ng Dios kung ano talaga ang nilalaman ng inyong puso. Sapagkat ang mga bagay na itinuturing ng tao na mahalaga ay kinasusuklaman ng Dios.

¹⁶ “Bago dumating si Juan na tagapagbautismo, ang Kautusan ni Moises at ang isinulat ng mga propeta ang siyang sinusunod ng mga tao. At mula nang dumating si Juan, ipinangangaral na ang Magandang Balita tungkol sa paghahari ng Dios, at marami ang nagpupumilit na maging sakop nito.