Lucas 2:6-8

Magandang Balita Biblia

⁶ Habang sila'y nasa Bethlehem, sumapit ang oras ng panganganak ni Maria. ⁷ Isinilang niya ang kanyang panganay, na isang lalaki. Binalot niya sa lampin ang sanggol at inihiga sa isang sabsaban, sapagkat wala nang lugar para sa kanila sa bahay-panuluyan.

Ang mga Pastol at ang mga Anghel

⁸ Doon ay may mga pastol na nasa parang at nagbabantay ng kanilang mga tupa nang gabing iyon.