Lucas 4:35-37

Ang Bagong Tipan: Filipino Standard Version

³⁵ Subalit sinaway siya ni Jesus na nagsabing, “Tumahimik ka at lumabas ka sa kanya.” At ang lalaki'y inilugmok ng demonyo sa harapan ng lahat at lumabas ito sa kanya na hindi sinaktan. ³⁶ At namangha silang lahat at sinabi sa isa't isa, “Pambihirang katuruan ito! Sapagkat inuutusan niya ng may awtoridad at kapangyarihan ang maruruming espiritu at sila ay lumalabas.” ³⁷ Kaya't kumalat ang balita tungkol sa kanya sa lahat ng dako ng lupain.