Lucas 5:33-35

Magandang Balita Biblia

Katanungan tungkol sa Pag-aayuno^(A)

³³ May ilan namang nagsabi kay Jesus ng ganito: “Ang mga alagad ni Juan ay malimit mag-ayuno at manalangin, gayundin ang mga alagad ng mga Pariseo. Subalit ang mga alagad mo'y patuloy sa pagkain at pag-inom.”

³⁴ Sumagot si Jesus, “Hinahayaan ba ninyong hindi kumain ang mga panauhin sa kasalan habang kasama pa nila ang lalaking ikinasal? Di ba hindi? ³⁵ Darating ang araw na kukunin sa kanila ang lalaking ikinasal, at saka sila mag-aayuno.”