Mak 13:33-35

Haitian Creole Version

³³ Kenbe kò nou; pa kite dòmi pran nou; paske nou pa konnen ki lè lè a va rive.

³⁴ Se tankou lè yon nonm pati li al nan vwayaj. Li kite kay li nan men domestik yo pou yo okipe l' pou li. Li bay chak moun travay pa yo pou yo fè; li bay gadyen pòt la lòd pou l' pa dòmi.

³⁵ Se poutèt sa, pa kite dòmi pran nou, paske nou pa konnen ki lè mèt kay la va vini. Se ka aswè, nan mitan lannwit, lè kòk chante, osinon nan maten.