Mangangaral 2:19-21

Ang Salita ng Dios (Tagalog Contemporary Bible)

¹⁹ At sino ang nakakaalam kung marunong siya o mangmang? Maging ano man siya, siya pa rin ang magmamay-ari ng lahat ng pinaghirapan ko ng buong lakas at karunungan. Wala rin itong kabuluhan! ²⁰ Kaya nanghinayang ako sa lahat ng pinaghirapan ko rito sa mundo. ²¹ Dahil kahit magsikap ka gamit ang buo mong talino, isip at kakayahan, iiwan mo rin ang lahat ng pinaghirapan mo sa taong hindi naghirap para sa mga bagay na ito. Ito man ay wala ring kabuluhan at hindi makatarungan.