Marcos 11:12-14

Ang Bagong Tipan: Filipino Standard Version

Isinumpa ni Jesus ang Puno ng Igos^(A)

¹² Kinabukasan, nang pabalik na sila mula sa Betania, nakaramdam ng gutom si Jesus. ¹³ Natanaw niya sa di-kalayuan ang isang puno ng igos na maraming dahon. Nilapitan niya ito upang tingnan kung may bunga. Subalit dahil hindi pa panahon ng pamumunga nito, wala siyang nakita kundi mga dahon. ¹⁴ Kaya't sinabi niya sa puno, “Mula ngayo'y wala nang makakakain pa ng bunga mula sa iyo.” Narinig iyon ng kanyang mga alagad.