Marcos 13:9-11

Ang Biblia (1978)

⁹ Datapuwa't mangagingat kayo sa inyong sarili: ^(A)sapagka't kayo'y ibibigay nila sa mga Sanedrin; at kayo'y hahampasin sa mga sinagoga; at kayo'y magsisitindig sa harap ng mga gobernador at ng mga hari dahil sa akin, na bilang patotoo sa kanila.

¹⁰ At ^(B)sa lahat ng mga bansa ay kinakailangan munang maipangaral ang evangelio.

¹¹ At pagka kayo'y dinala sa harap ng mga kapulungan, at kayo'y ibigay, ay ^(C)huwag kayong mangabalisa kung ano ang inyong sasabihin: datapuwa't ang ipagkaloob sa inyo sa oras na yaon, ay siya ninyong sabihin; sapagka't hindi kayo ang magsasalita, kundi ang Espiritu Santo.