Marcos 3:2-4

Ang Bagong Tipan: Filipino Standard Version

² Ilan sa mga naroon ang naghahanap ng maipaparatang laban kay Jesus.^[a] Nagbantay silang mabuti at tiningnan kung kanyang pagagalingin ang lalaki^[b] sa araw ng Sabbath. ³ Tinawag ni Jesus ang lalaking paralisado ang kamay, “Halika rito sa gitna.” ⁴ Tinanong ni Jesus ang mga naroroon, “Alin ba ang ipinahihintulot kung araw ng Sabbath: ang gumawa ng mabuti, o ang gumawa ng masama; ang magligtas ng buhay, o ang pumatay?” Hindi makasagot ang mga naroon.