Marcos 9:25-27

Ang Bagong Tipan: Filipino Standard Version

²⁵ Nang makita ni Jesus na dumaragsa ang tao sa paligid, sinaway niya ang maruming espiritu, “Ikaw na pipi at binging espiritu, iniuutos ko sa iyo, lumabas ka sa kanya at huwag ka nang babalik!” ²⁶ Nagsisigaw ang espiritu, pinangisay ang bata, pagkatapos ay lumabas. Nagmistulang patay ang bata kaya't sinabi ng marami, “Patay na siya.” ²⁷ Ngunit hinawakan siya ni Jesus sa kamay at ibinangon. At ang bata'y tumindig.