Matendo 14:26-28

Agano Jipya: Tafsiri ya Kusoma-Kwa-Urahisi

²⁶ Na kutoka huko wakatweka tanga kwenda katika mji wa Antiokia ya Shamu. Huu ni mji ambako waamini waliwaweka katika uangalizi wa Mungu na kuwatuma kufanya kazi hii. Na sasa walikuwa wameimaliza.

²⁷ Paulo na Barnaba walipofika, walilikusanya kanisa pamoja. Waliwaambia waamini yote ambayo Mungu aliwatumia kutenda. Walisema, “Mungu amefungua mlango kwa watu wasio Wayahudi kuamini!” ²⁸ Na walikaa pale pamoja na wafuasi wa Bwana kwa muda mrefu.