Mateo 11:16-18

Ang Salita ng Dios (Tagalog Contemporary Bible)

¹⁶ “Sa anong bagay ko maihahambing ang henerasyong ito? Katulad sila ng mga batang nakaupo sa plasa na sinasabi sa kanilang kalaro, ¹⁷ ‘Tinugtugan namin kayo ng tugtuging pangkasal,^[a] pero hindi kayo sumayaw! Umawit kami ng awit para sa patay, pero hindi kayo umiyak!’ ¹⁸ Katulad nga nila ang mga tao ngayon, dahil nang dumating dito si Juan, nakita nilang nag-aayuno siya at hindi umiinom ng alak, kaya sinabi nila, ‘Sinasaniban siya ng masamang espiritu.’