Mateo 13:17-19

Ang Salita ng Dios (Tagalog Contemporary Bible)

¹⁷ Sinasabi ko sa inyo ang totoo, maraming propeta at matutuwid na tao noon ang naghangad na makakita at makarinig ng nakikita at naririnig ninyo ngayon, pero hindi ito nangyari sa kanilang panahon.”

Ang Kahulugan ng Talinghaga tungkol sa Manghahasik^(A)

¹⁸ “Pakinggan ninyo ang kahulugan ng talinghaga tungkol sa manghahasik: ¹⁹ Ang tabi ng daan, kung saan nahulog ang ilang binhi ay ang mga taong nakinig ng mensahe tungkol sa paghahari ng Dios pero hindi nakaunawa. Dumating si Satanas at inagaw ang salita sa kanilang puso.