Mateo 14:7-9

Ang Bagong Tipan: Filipino Standard Version

⁷ Kaya't nangako siya at nanumpa na ibibigay niya ang anumang hihingin ng dalaga. ⁸ Sa sulsol ng kanyang ina ay sinabi ng dalaga, “Ibigay ninyo sa akin ngayon, sa isang pinggan, ang ulo ni Juan na Tagapagbautismo!” ⁹ Ikinalungkot ito ng hari, subalit dahil sa kanyang binitawang pangako sa harap ng mga panauhin, ipinag-utos niyang ibigay ang kahilingang iyon.