Mateo 18:26-28

Ang Salita ng Dios (Tagalog Contemporary Bible)

²⁶ Nagmamakaawang lumuhod ang aliping iyon sa hari, ‘Bigyan nʼyo pa po ako ng panahon, at babayaran kong lahat ang utang ko.’ ²⁷ Naawa sa kanya ang hari, kaya pinatawad na lang siya sa kanyang utang at pinauwi.

²⁸ “Pagkaalis ng aliping iyon, nakasalubong niya ang isang kapwa alipin na nagkakautang sa kanya ng kaunting halaga. Sinunggaban niya ito at sinakal, sabay sabi, ‘Bayaran mo ang utang mo sa akin.’