Mateo 26:25-27

Ang Salita ng Diyos

²⁵ Sumagot si Judas, ang magkakanulo kay Jesus: Ako ba, guro?

Sinabi niya sa kaniya: Tama ang iyong sinabi.

²⁶ Habang sila ay kumakain, kinuha ni Jesus ang tinapay. Pinagpala niya ito, pinagputul-putol at ibinigay sa kaniyang mga alagad. Sinabi niya: Kunin ninyo, kainin ninyo. Ito ang aking katawan.

²⁷ Kinuha niya ang saro at nang makapagpasalamat, ibinigay niya ito sa kanila. Sinabi niya: Uminom kayong lahat.