Mateo 27:28-30

Ang Bagong Tipan: Filipino Standard Version

²⁸ Siya'y kanilang hinubaran at isinuot sa kanya ang isang balabal na matingkad na pula. ²⁹ Gumawa sila ng isang koronang tinik at ipinatong sa kanyang ulo. Ipinahawak nila sa kanang kamay niya ang isang tambo at sila'y lumuhod sa harapan niya at siya'y kanilang nilibak, sa pagsasabing, “Mabuhay ang Hari ng mga Judio!” ³⁰ Siya'y kanilang dinuraan. Kinuha nila ang tambo at paulit-ulit na inihampas sa kanyang ulo.