Mateo 5:37-39

Ang Bagong Tipan: Filipino Standard Version

³⁷ Ngunit magsabi kayo ng ‘Oo’ kung ‘Oo’, at ‘Hindi’ kung ‘Hindi’. Anumang higit pa rito ay galing na sa masama.

Ang Turo tungkol sa Paghihiganti^(A)

³⁸ “Narinig ninyong sinabi, ‘Mata sa mata, at ngipin sa ngipin.’ ³⁹ Ngunit ako ang nagsasabi sa inyo: Huwag ninyong labanan ang masamang tao. Sa halip, kapag sinampal ka sa kanang pisngi, iharap mo rin sa kanya ang kabila.