Mathayo 4:20-22

Agano Jipya: Tafsiri ya Kusoma-Kwa-Urahisi

²⁰ Mara moja, Simoni na Andrea wakaziacha nyavu zao na kumfuata Yesu papo hapo.

²¹ Yesu akaendelea kutembea kutoka pale. Akawaona ndugu wengine wawili, Yakobo na Yohana wana wa Zebedayo. Walikuwa kwenye mashua pamoja na Zebedayo baba yao. Walikuwa wakiandaa nyavu zao za kuvulia samaki. Yesu akawaita wamfuate. ²² Mara moja wakaiacha mashua pamoja na baba yao na wakamfuata Yesu.