Matye 12:18-20

Nouvo Testaman: Vèsyon Kreyòl Fasil

¹⁸ “Men sèvitè mwen an,
    moun mwen chwazi a,
moun mwen renmen anpil la,
    moun ki fè kè m kontan anpil la.
M ap ranpli l ak Sentespri m.
    Se li k ap tabli jistis nan mitan pèp yo.
¹⁹ Li p ap nan fè diskisyon ni pale fò,
    li p ap nan fè gwo bri ni gwo diskou nan lari.
²⁰ Li p ap kraze menm yon pye zèb.
    Li p ap etenn menm lanp ki prèske mouri.
L ap kenbe fèm jouktan lajistis gen viktwa.