Matye 24:38-40

Haitian Creole Version

³⁸ Se konsa, nan jou anvan gwo inondasyon an, moun t'ap manje, yo t'ap bwè, moun t'ap marye, yo t'ap marye pitit fi yo. Konsa konsa, jouk jou Noe te antre nan gwo batiman an.

³⁹ Yo pa t' konprann anyen nan sa ki t'ap pase, jouk lè gwo inondasyon an fèt, li pote yo tout ale. Se va menm jan an tou lè Moun Bondye voye nan lachè a va vini.

⁴⁰ Lè sa a, va gen de gason nan yon menm jaden, y'ap pran yonn, y'ap kite lòt la.