Matye 26:17-19

Nouvo Testaman: Vèsyon Kreyòl Fasil

Repa fèt Pak la

(Mak 14:12-21; Lik 22:7-14,21-23; Jan 13:21-30)

¹⁷ Nan premye jou fèt Pen san leven an, disip Jezi yo pwoche bò kote l, epi yo mande l: “Ki kote w vle pou nou fè preparasyon repa fèt Pak la pou ou?”

¹⁸ Li reponn yo: “Ale nan vil la kay entèl, di li: Mèt la di: lè m nan pa lwen rive. Se lakay ou m ap manje repa fèt Pak la avèk disip mwen yo.” ¹⁹ Disip yo fè jan Jezi te di yo a, epi yo prepare fèt Pak la.