Mga Awit 144:2-4

Ang Biblia (1978)

² Aking kagandahang-loob, at ^(A)aking katibayan,
Aking matayog na moog, at aking tagapagligtas;
Aking kalasag, at siya na doon ako nanganganlong;
^(B)Na siyang nagpapasuko ng aking bayan sa akin.
^3 (C)Panginoon, ano ang tao, upang iyong kilalanin siya?
O ang anak ng tao, upang iyong pahalagahan siya?
^4 (D)Ang tao ay parang walang kabuluhan:
Ang kaniyang mga kaarawan ay parang lilim na napaparam.